主题：西华路第一津
- 发表于2009-09-15
早几日朋友介绍话，人民北路湖天宾馆后边有间食濑粉的老店，果道D濑粉好正架，好多人都去食，又好多人打包挪走的。听咗伊番话，引到我条为食虫系个肚里边翻腾咗几日。为咗搞清楚个地址，动用咗互联网的威力，百度搜索“西华路濑粉”，哈！马上搞掂----西华路第一津合兴小食店。
趁住今日要出去办事，几大都去食下先。在大巴上企咗成个钟（今日好彩无塞车），企到脚都痹晒。落车后行咗十分钟左右就到了。哗！真系好夸张啵，离远就见到有人排队买了，问口二边十个、八个型态各异的食客有企、有踎、有坐，但个个都捧住碗野系道食紧。因为上网睇过，知道濑粉的价钱系细的2.50元一碗，大的3.50元一碗，所以早早就准备好散纸了。
小食店的门口右手边摆住一张细台仔，昏暗的灯关下，一个中年男人麻木咁收钱、找钱、比牌。门口的左边就系操作间，二个女人机械人咁重复住几个动作，虽然要排队挪粉，但个大婶二秒钟（我估）就装到一碗并睇埋出来了，速度好快（如果计件倨就发啦！嘻嘻）。
小食店的面积得十几平方，里面品字型咁摆住三张长方台供食客坐，最多都系可以坐十四、五个人，食客大部分都系老坑婆同埋D中年半边天，好多人带埋D器皿来买外卖。濑粉好大碗，用一次性碗装，好热！粉热，店里面更热，好在今日气温低咗，如果系前几日就麻烦了，贴钱我都唔食啊。
头顶把风扇无力咁转住，吹出来的风都系热的，未食已经汗流浃背了。叫我系外边食就无可能了，我夹硬逼咗个位坐落，旁边的阿婶话，落D辣萝卜润落去味道好好多架，噢，我都唔中意食辣的，但系老人言啊，要听的，俗语话：唔听老人言吃亏在眼前啊。快快加佐一细匙更落去再搅匀倨，哈！食落又系几好味啵。
濑粉汤D料都几足，有冬菇丝、虾米、猪油渣等等，不过我就觉得D味淡咗少少了。由于一次性碗散热慢，足足奋斗咗我十分钟有多，先至连汤带渣一齐全部扫晒落个五脏腑道，哇！好味！不过食完就已经大汗淋漓了......
- 发表于2009-09-16
我都系去外卖来吃好滴。
细细声问句，条路点行啊?可以停车吗？
- 发表于2009-09-16
唔该晒
- 发表于2009-09-18
好，等我都去试下先。好帖精一个。
- 发表于2009-09-19
好久好久前去吃过，真得好味道，看了楼主描述，又勾起我的食欲了，休息就去吃！
- 发表于2009-11-10
实在忍唔住，琴日又去食咗一碗，哈！真系好味啊......
- 发表于2009-11-10
你介绍的地方也太远了点了吧？吃顿赖粉来回要大半天呢！加上车辆损耗及油耗，估计不上百元下不来。
